ОЮУТНЫ ПРОГРАМЧЛАЛЫН УЛСЫН XXXI ОЛИМПИАД, БҮТЭЭЛИЙН ҮЗЭСГЭЛЭН ЗОХИОН БАЙГУУЛАХ УДИРДАМЖ

Нэг. Ерөнхий зүйл

1. Олимпиадын зорилго нь оюутан залуусын авьяас чадварыг хөгжүүлэх, нээн илрүүлэх, туршлага солилцуулах, ажилд олгогчдод сурталчлах, ажил олгогчтой хамтын ажиллагааг өрнүүлэхэд оршино. 
2. Программчлалын олимпиадыг 2023 оны 5-р сарын 13-14-ны өдрүүдэд, бүтээлийн үзэсгэлэнг 2023 оны 5-р сарын 12-ны өдөр ШУТИС-ийн МХТС-ийн хичээлийн байранд зохион байгуулна.

Хоёр. Зохион байгуулалт

1. Олимпиад, бүтээлийн үзэсгэлэнд мэдээллийн технологи, компьютерийн ухааны чиглэлээр сургалт явуулдаг их, дээд сургууль, коллежийн оюутнууд оролцоно.  
2. Олимпиадад сургууль бүрээс 3 оюутан, 1 удирдагч багш бүхий бүрэлдэхүүнтэй үндсэн нэг, 2 хүртэлх нэмэлт баг оролцож болно. Багийн бүхэлдэхүүнд байгаа оюутан нь тухайн сургуульд одоогоор суралцаагүй, чөлөө авсан, сургуулиас гарсан нь батлагдвал байр эзлүүлэхгүй.
3. Өөр сургуулийн оюутныг өөрийн сургуулийн нэр дээрээс оруулахыг хориглоно.
4. Бүтээлийн тоонд хязгаар тавихгүй ба өмнө нь улсын чанартай үзэсгэлэн, уралдаанд оролцож байр эзлээгүй байх. Бүтээл нь биет болон программ хангамж байна.
5. Олимпиадын үндсэн багийн хураамж 300.000 төгрөг, нэмэлт багийн хураамж 350.000 төгрөг байна.
6. Бүтээл хураамжгүй.
7. Олимпиад  болон бүтээлд  оролцох баг, оюутнуудын бүртгэлийг 2023 оны 5-р сарын 04 -05 ны өдрүүдэд www.sict.edu.mn/olympiad хаягаар онлайнаар хийнэ.
8. Бүртгэлийн хураамжийг ШУТИС-ийн МХТС-ийн Худалдаа хөгжлийн банкны 2609046188 тоот дансанд тушаана. Хураамжийг төлснөөр бүртгэл баталгаажна.
9. Техникийн зөвлөгөөнийг 2023 оны 5 дугаар сарын 12-ны өдрийн 15.00 цагт тус сургуулийн 101 тоот өрөөнд хийнэ. Оролцох сургууль бүрээс нэг төлөөлөл заавал оролцоно.
10. Бодлого дэвшүүлэх, сонгох комиссыг ММЗОЗБХ-той зөвшилцөж байгуулна.
11. Олимпиадын бодлогын шүүлтийг автомат системээр хийнэ.

Гурав. Шагнал урамшуулал

Олимпиад 

Хувийн амжилтаар

• I байр 1, Алтан медаль, диплом, мөнгөн шагнал
• II байр 2, Мөнгөн медаль, диплом, мөнгөн шагнал
• III байр 3, Хүрэл медаль, диплом,  мөнгөн шагнал

Багийн амжилтаар

• I байр 1, Диплом
• II байр 1, Диплом
• III байр 1, Диплом

 Бүтээл

• I байр 1, диплом, мөнгөн шагнал
• II байр 1, диплом, мөнгөн шагнал
• III байр 1, диплом, мөнгөн шагнал